اسلام الحامدي
كان يامكان ياسعد يا اكرام كان في زمان .. ( كتكوت ) اصفر صغير , ولية ابن الجيران ( كتكوت ) بني صغير , وكانو صحاب ..
كان الكتكوت الاصفر الصغير يعيش مع امه وابه ( الفرخه )( والديك ) وكان بن الجران الكتكوت البني , بيطلب منه يلعب معاه علي السطح ولكن ( الفرخه ) حذرت الكتكوت الاصفر الصغيرانه لو خرج الحدايه هتخطفه .. زعل من ماما وفضل يصرخ ويعيط , فالديك قاله هتخرج بس معايه لحد ماتتعود وتكبر شويه .. فرح وحضن بابا وبابا حضنه اوي ..
كان سعيد وفرحان انه خرج مع بابا الديك , وكان بيفرح اكتر لما يكون تحت اشعه الشمس المفيده جدا .. كانت ( الفرخه ) بتطلب منه ياكل ويشرب الاول .. وبعدين يخرج يلعب مع كتكوت الجيران .. عشان لما يلعب هيجوع ولازم ياكل ويتغذي كويس عشان يقدر يلعب اكتر .
كان كتوكت السطح بيشوف بابا الديك مصاب فسأله فاجاب : اصبت من طير جارح حين خروجي من العش و انا صغير دون عليم بابا و ماما .. وعرف يومها انه لازم يتعلم من بابا وماما عشان يفضل بخير ديمن .
وفي يوم من الايام خرج الديك والفرخه .. ظل الكتكوت الاصفر الصغير وحيد حزين يشعر بالخوف يشعر بالبرد القارس يشعر بالجوع يشعر بالعطش دون والده وامه .. هو فاقد للامان.
طلب منه الكتكوت البني الخروج معه ولكنه رفض بسبب منع ابوه وامه له الخروج وحيدا
حتي ان غلبه الوسواس وخرج يلعب مع الكتكوت البني
كان الكتكوت البني تحت ضوء الشمس غير ملفت للانتباه ولكن الكتوكت الاصفر كان لامع مع ضوء الشمس .
كان الصقر الجارح يطير في السماء باحثا عن طعام له و اولاده الصغار في العش اعلي الشجره .. لمح الصقر الجارح الكتكوت الاصفر وانقض عليه واخذه وطار بيه بعيدا ..
وفي النهايا مات الكتكوت الاصفر الصغير بسبب عدم اتباع تعليمات ابوه وامه فهم اكثر خبره منه في الحياه .. ومن يتبع نصيحه الاكبر يعيش ويكبر ..
توتة توتة خلصت الحدوتة.. حلوة ولا ملتوتة ..
